Nowy! Wot wersije 0.8b2 KompoZer w hornjoserbšćinje je oficielny. Ale najwažniša nowinka je: Su nětko nic jenož archiwne wersije za Windows a Linux a rěčny pakćik, ale tež - dźak teamej KompoZer - instalujomna wersija za Windows a archiwna wersija za Mac OS hornjoserbsce!

HTML-editor KompoZer serbsce

Što je KompoZer?

KompoZer je naslědnik HTML-editora Nvu. Posledni bu něhdy jako samostatny pendant programoweho komponenta Composer programoweje suity Mozilla wuwity. Suita Mozilla so hižo dale njewuwiwa, město toho je nětk SeaMonkey. Mjeztym tež Nvu so hižo njewuwiwa, jón KompoZer nětko naruna.

Zo byšće tutón program zeserbšćił, dyrbiće hornjoserbski rěčny pakćik sćahnyć a instalować. Rěčny pakćik je wotwisny wot dźěłoweho systema, t. r. móžeće jón za Windows, Linux, Mac OS atd. wužiwać.

Oficielne webowe sydło za KompoZer je http://www.kompozer.net. Tute strony su jendźelsce.