Nvu sćahnyć

Zo byšće serbskorěčnu wersiju Nvu dóstali, dyrbiće dwě sćehnjeni přewjesć. Jedne sćehnjenje za programowe dataje Nvu (poprawom jendźelska wersija za ZSA). A druhe za zeserbšćene dataje.

Programowe dataje sćahnyć

Programowe dataje aktualneje wersije Nvu 1.0 namakaće pod adresu http://net2.com/nvu/download.html.

Serbskorěčne dataje sćahnyć

Zeserbšćene dataje namakaće jowle.

Kak serbski rěčny pakćik za Nvu instalować?

Instalowawši programowe dataje Nvu (kaž w předchadnym wotrězku wopisane), móžeće nětko serbski rěčny pakćik instalować.

Kedźbu: Čisle wersije programowych datajow a rěčneho pakćika dyrbitej jenakej być.
Na př. za Nvu wersije 1.0 trjebaće tež rěčny pakćik wersije 1.0.

Startujće za to Nvu (hišće originalnu jendźelsku wersiju) a dźiće na Tools --> Extensions. Potom so sćěhowace woknješko zjewi:

Klikńće na tłóčatko "Install". Dźiće do rjadowaka, do kotrehož sće dataju nvu-1.0-hsbDE-langpack.xpi sćahnyli. Wočińće dataju, potom so sćěhowacy dialog zjewi:

Klikńće na Install Now a instalacija so započnje:

Zo byšće hornjoserbski rěčny pakćik aktiwizował, startujće Nvu znowa.

Móžeće serbski Nvu z přikazoweje linki abo ze zwiska na desktopje z opcijomaj -UILocale hsb-DE -contentLocale DE startować, na př. C:\Programme\Nvu\nvu.exe -UILocale hsb-DE -contentLocale DE. Město C:\Programme\Nvu\ dyrbiće wězo šćežku wužiwać, kotraž k městnu wašeje Nvu-instalacije wjedźe.

Startujće potom Nvu znowa a sćěhowace woknješko so zjewi: